總結黎講,呢幾日都好快樂,哈哈~~~雖然係好多野做同埋攰到神智不清,但係真你好充實同埋好有成功感,嘻~幾攰都okay**人最頹就係無方向,知道自己做緊乜先係最重要呀~~

星期一係中心開會,之後去左加太賀食午飯 ,住左紅磡咁耐都無去過呢度,好味的*唔使成日都食埋d唔知乜野,食到個人無朝氣,原來我真係好鐘意食日本野,所以聖誕堅要去日本食多勁多好野,哈哈...諗起就開始肚餓啦~~

星期二去左銅鑼灣食午飯,俾阿ping話我係一個無方向感之人.....利園對我黎講真係好陌生呀嘛,不過最終都搵到對我黎講已經好叻啦~~食唔落野既一餐..之後去了商場買了Christy既生日禮物,已經過左好耐lu,你鍾意就得啦*仲買了得意檸檬廁紙給你,其實細細的真係好得意喔...出街記得攞~~買了一樣野俾阿谷,佢真係好襯你架,唔知幾時可以見到你呢?

之後去了九龍塘學校教田徑,今次伙拍Chris教小一培訓班,都唔知自己教緊乜~~只係知道係教緊豆袋,真係o徙氣!!!不過佢地上得開心就得~~(其實我都估佢地會開心卦,不過每次都係我開心過佢地,奇怪*)去了幫christy補習,中三既野對於我黎講真係有d難度啦.....哎呀~~原來我只得中三程度既知識,死未?晚上返左Haagen Dazs,part Gary & May, 哈,成日都係呢個組合,不過我諗之後既時間就更加少有啦,Gary仲著左對所謂既情侶socks, 笑死人,不過都幾得意,最難得你肯著嘛~~sweet死~~

星期三一早去了西頁大網仔上internal training,美其名去體驗,實質係去玩...哈哈~~成日都去呢個營地,攀石都玩過,不過就未試過玩巨人梯,好玩的*不過都試過係木上面跌落去,最終都完成任務,thx Don & Ruby~~如果唔係我一定完成唔到~~嘻~不過玩完成身都散哂啦~晚上要上堂,全堂都係呆呆的*

上完堂最開心莫過於食晚飯啦,見丁你之餘,仲食了好味的芝士焗肉醬意粉,咁當然就更加開心啦,多謝**

傻照兩幅

星期五晚上完堂，去了九龍城食晚飯，加送胖虎飲檸茶 好得意呀～無運氣既我抽唔到你，不過有貴人－May May相助，終於得到你啦*佢個樣真係太似你啦， 點解會似成咁，你唔好學佢蝦蝦霸霸就得喇！

呢兩日不斷被好多創作的理論包圍住, 上堂學creative management,星期六番工既training學creativity,即係話我要變成一個有創作力既人,好野*我諗我學既野對我之後既工作一定會有好既幫助,加油*

不過呢兩日忙到唔記得左媽咪生日,死啦死啦~~oooooo..所以星期六晚無去同哈根達斯的好同事去唱K,嘻~~唯有要下次啦,「下次下次」.....仲有是日係浸大Sports Day, PERM包辦男女團Champion，真係可喜可賀*好叻呀真係－“薪火相傳，生生不息”PERM要繼續努力！！

星期日返青協＋Haagen Dazs,喔~~都係閒聊沒事做,下星期會忙d卦~~~同事俾我聽周杰倫既新歌-稻香(唔係茶樓喎,不過真係好好聽呀,無介紹錯的,大家得閒可以聽聽!)

不要這麼容易就想放棄 就像我說的
追不到的夢想 換個夢不就得了
為自己的人生鮮艷上色
先把愛塗上喜歡的顏色

笑一個吧 功成名就不是目的
讓自己快樂快樂這就叫做意義

珍惜一切 就算沒有擁有

本來心情唔多好,俾幾百萬樣野放飛機,不過好在係即將完既一日都仲有開心既事,就記低星期二晚既事啦: 同May& Gary收夜,阿斌打個msg黎話送花俾我,傻的*有無人送花俾人會同人講聲先架,嘻~多謝 ^^ 送過黎既時候,雖然已經知道,不過依然係超級尷尬,可能我是一個天生收花就會不知所措而且會面紅既人,anyway,你自己插的花插得好靚喎,仲天份十足添*

星期三   係relax之日,哈哈~果然無踩到單車,下次踩番~~只係出了油麻地逛一逛,嘻~ok的*其實是日心情都唔太好,可能係平日唔係好夠訓所致卦,簡直係有躁狂症咁,唔係你咁好脾氣都真係頂唔順,thx!不過影完大頭貼(終於影到啦,十萬個開心)同打完機之後就好返哂啦,自己打visual tennis真係渣得可以,我好記得郎寬行教過我點打的,點解會唔記得哂架,真係唔係好掂,要加強練習,ya~

日日見到你,不過今日看不見(估一人)

今日Staff Meeting @10::30-15:30,點解會咁多口水,大家唔急架咩?唔肚餓架?aiya...真係痴線架,認真攞你命三千*

搞到完全唔可以prepare今晚既presentation,好多謝groupmates既幫助,沒有你們,我真係會死的,我之後會更加用心的,sorry各位!

上完堂諗住去偉衡睇系際羽毛球,不過已經打完lu,無得睇Kiko打添,又蝕左啦~!無同你地食dinner,真Sorry~因為有親愛的陪我食飯,去食九龍城越南菜,哈哈~~~請我的,開心到彈起

聽日的Function要順順利利呀,我雖然唔係你身邊,但係都一定無問題既,因為你是最好的**

*期待星期三Relax之旅*

今日出左去高士威支持本地丙組地區聯賽,恭喜你榮升東區神射手,之後既場數唔知可唔可以繼續同你打氣,不過下場你都要繼續加油,嘻~助隊友升番去十名之內啦起碼!

睇完比賽番Haagen Dazs,些少忙啦,不過okay既~忙的日子最快過..哈哈~岩我性格!今日同May May傾開計,停不了的話題,聽日你上山頂要小心d,Gary都要睇實佢啦!下星期番兩日都係part住Gary同May,哈哈~已經係一個恆常既組合,喔~好野!

期待與你們十八號的唱K之夜*,玩餐飽!

下載一張水運會的大合照:

PERM is the BEST!

決定了,Sport Day個日點都抽d時間去一去JSC,噢!!我最愛既運動場,給我很多很多回憶,無得跑,人生真係少左個好大既目標,突然諗起你都無黎睇過我比賽,真係一大既遺憾,好懷念以前係Sports Day比賽既日子,一定係我成年最緊張既幾日,呼~而家無得緊張啦,有d傷感添*今年都係報番個渣打10K玩下啦,有人有興趣嗎?

呢個星期持續住忙的,要好好善用時間,返工,返學,教田徑,Haagen Dazs,補習,俾心機啦,同自己講:

信自己得就會得!